Gobernuaren plana

Doinua: Erreguetan

Lengo batean Lehendakaritzan
bilera batean luzaz,
Haitzol Madrazo eta Itsaso
Zenarruzabeitiagaz
azken boladan pasotismoa
izandu da gure ardatz,
nola arrayo hartuko ote du
bertsokoak berriz arnas.

Erabakia hartu genuen,
inmobilismoan aurka,
plan bat eginda zuei aurkeztu
nahiz batzuek egin zaunka,
holakoetan iniziatiba
batek hartu beharra dauka,
zibertxokoko lehendakariak
ere bi galdera dauzka.

Uda badator batzuk etorri
eta beste batzuk joan,
Australiako enbaxadore
jauna dator oraingoan,
baldin ta bala gehiagorikan
berak ez badu ahoan:
onartzen al du zibertxokoak
Joseba tripartitoan?

Eta bigarren galdera berriz
bazterketarikan gabe,
opor aurretik tarte bat hartu
‘plan renove’ honen alde,
bertsoen bidez elkarrizketa
izateko prest al gaude?
eta bestela hauteskundeak
deituko ditut debalde.

Ibarritxi